அடுத்த 24 மணி நேரத்தில் தமிழகத்தில் மழை

சென்னை, டிசம்பர்-07

அடுத்த 24 மணிநேரத்தில் தமிழகம் மற்றும் புதுச்சேரியில் ஓரிரு இடங்களில் லேசான மழை பெய்ய வாய்ப்பு உள்ளது என்று சென்னை வானிலை ஆய்வு மையம் தெரிவித்துள்ளது.

இதுகுறித்து சென்னை வானிலை ஆய்வு மையம் வெளியிட்டுள்ள தகவலின்படி, குமரிக்கடல் பகுதியில் நிலவுகிற வளிமண்டல சுழற்சியின் காரணமாக, அடுத்த 24 மணி நேரத்திற்கு தமிழகத்தின் கடலோர மாவட்டங்களில் ஓரிரு இடங்களில் லேசான மழையும், தஞ்சை, கடலூர், திருவாரூர், இராமநாதபுரம், தூத்துக்குடி மற்றும் திருநெல்வேலி ஆகிய மாவட்டங்களில் ஓரிரு இடங்களில் லேசானது முதல் மிதமானது வரை மழை பெய்ய வாய்ப்புள்ளது.

கடந்த 24 மணிநேரத்தில் மட்டும், அதிகபட்சமாக நாகை மாவட்டம் தலைஞாயிறில் 6 செ.மீ. அளவுக்கு மழை பதிவாகி உள்ளது. இந்நிலையில் நாகை மாவட்டத்துக்கும் அடுத்த 24 மணி நேரத்தில் மழை இருப்பதாக தகவல்கள் வெளியாகியுள்ளன.

Leave a Reply

Your email address will not be published. Required fields are marked *