தெலுங்கானா என்கவுன்டர்: காவல்துறைக்கு குவியும் பாராட்டு, டிரென்டாகும் ஹேஷ்டாக்குகள்

ஹைதராபாத், டிசம்பர்-06

பெண் மருத்துவரை பாலியல் பலாத்காரம் செய்து கொலை செய்த குற்றவாளிகளை சுட்டு கொன்றதற்காக போலீசார் மீது பூக்களை தூவிய மக்கள், அவர்களுக்கு ஆதரவாக கோஷம் எழுப்பி மகிழ்ச்சியை வெளிப்படுத்தினர்.

பெண் மருத்துவரை பலாத்காரம் செய்து எரித்து கொன்ற குற்றவாளிகள் 4 பேர், தப்பி செல்ல முயன்ற போது, போலீசாரால் சுட்டு கொல்லப்பட்டனர். சம்பவ இடத்தில் உயரதிகாரிகள், போலீஸ் அதிகாரிகள் வந்து ஆய்வு செய்து வருகின்றனர்.

என்கவுன்டர் தகவல் அறிந்து அங்கு குவிந்த பொதுமக்கள் போலீசார் மீது பூக்களை தூவி தங்களது மகிழ்ச்சியை வெளிப்படுத்தியதுடன், போலீசாருக்கு ஆதரவாக கோஷம் போட்டனர். ”டிசிபி ஜிந்தாபாத்”, ”ஏசிபி ஜிந்தாபாத்” என கோஷம் போட்டனர்.

தொடர்ந்து போலீசார்களை தலை மீது தூக்கி வைத்து கொண்டாடி உள்ளனர். அதேபோல், கல்லூரிக்கு பேருந்தில் சென்ற கல்லூரி மாணவிகள், என்கவுன்டர் குறித்த தகவல் அறிந்ததும், போலீசாரை நோக்கி, ஆதரவாக கோஷம் போட்டு தங்களது உற்சாகத்தை வெளிப்படுத்தினர். அவர்களை நோக்கி கையசைத்து தங்களது மகிழ்ச்சியை வெளிப்படுத்தினர்.

தெலங்கானா போலீசாரை வாழ்த்தி பலரும் இடும் பதிவுகள் மூலம், என்கவுன்டர் குறித்த ஹேஷ்டாக்குகள், இந்திய அளவில், முதல் ஆறு இடங்களில் உள்ளது. உலகளவில், டுவிட்டரில் இரண்டாம் இடத்தில் உள்ளது குறிப்பிடத்தக்கது.

Leave a Reply

Your email address will not be published. Required fields are marked *