இந்திய அணி அபார வெற்றி

இந்தூர், நவம்பர்-16

இந்தியா – வங்கதேசம் அணிகளுக்கு இடையிலான முதல் டெஸ்ட் ஆட்டம் இந்தூரில் நடைபெற்றது.  இந்தியப் பந்துவீச்சாளா்களின் பந்துவீச்சை சமாளிக்க முடியாமல் முதல் இன்னிங்ஸில் 58.3 ஓவா்களில் 150 ரன்களுக்கு வங்கதேசம் ஆல் அவுட்டானது.

போட்டியின் 3ஆவது நாளான இன்று முதல் இன்னிங்சை 493 ரன்களில் இந்தியா டிக்ளேர் செய்தது. இதையடுத்து வங்கதேச அணி தனது 2ஆவது இன்னிங்சை விளையாடியது. ஆனால் ஆரம்பம் முதலே வங்கதேச வீரர்களால் இந்திய அணியினரின் பந்து வீச்சை எதிர்கொள்ள முடியவில்லை. இதனால் அடுத்தடுத்து விக்கெட்டுகள் வீழ்ந்தபடி இருந்தன.

5 வீரர்கள் ஒற்றை இலக்க ரன்னில் ஆட்டமிழந்து வெளியேறினர். வங்கதேச அணி தரப்பில் அதிகப்பட்சமாக முஸ்பிஹுர் ரஹிம் 64 ரன்களும், மெஹிடி ஹாசன் மிராஜ் 38 ரன்களும், லிதன் தாஸ் 35 ரன்களும் சேர்த்து ஆட்டமிழந்தனர். இதனால் 2ஆவது இன்னிங்சில் 213 ரன்களில் வங்கதேசம் சுருண்டது.

இதன்மூலம் முதல் டெஸ்ட் போட்டியில் இந்திய அணி இன்னிங்ஸ் மற்றும் 130 ரன்கள் வித்தியாசத்தில் வெற்றி பெற்றது. இந்திய அணி தரப்பில் முகம்மது சமி அதிகப்பட்சமாக 4 விக்கெட்டுகளை சாய்த்தார். அவருக்கு அடுத்து அஸ்வின் 3 விக்கெட்டுகளும், உமேஷ் யாதவ் 2 விக்கெட்டுகளும் எடுத்தனர்.

இந்திய அணி 2 ஆட்டங்கள் கொண்ட டெஸ்ட் தொடரில் 1-0 என முன்னிலை வகிக்கிறது. 2-வது மற்றும் கடைசி டெஸ்ட் பகலிரவு ஆட்டமாக கொல்கத்தாவில் நவம்பர் 22 அன்று தொடங்குகிறது.

Leave a Reply

Your email address will not be published. Required fields are marked *