விஜய் படத்தில் இணைந்த ”96” பிரபலம்!!!

சென்னை, நவம்பர் 11

நடிகர் விஜய் லோகேஷ் கனகராஜ் இயக்கும் படத்தில் நடித்து வருகிறார். இது விஜய்க்கு 64-வது படம் ஆகும். பேராசிரியர் கதாபாத்திரத்தில் நடிப்பதாக கூறப்படுகிறது. இதன் முதல் கட்ட படப்பிடிப்பு சென்னையில் 22 நாட்கள் நடந்தது.

அடுத்த கட்ட படப்பிடிப்பு டெல்லியில் நடந்து வருகிறது. இந்த படத்தில் மாளவிகா மோகனன் கதாநாயகியாக நடிக்கிறார்.
இன்னொரு நாயகியாக ஆண்ட்ரியா நடிக்கிறார். தற்போது நடிகை கவுரி கிஷானையும் விஜய் படத்துக்கு ஒப்பந்தம் செய்துள்ளனர். இவர் விஜய்சேதுபதி-திரிஷா நடித்த ‘96’ படத்தில் இளம் வயது திரிஷா கதாபாத்திரத்தில் நடித்து பிரபலமானார். விஜய் படத்தில் நடிப்பதை கவுரி கிஷான் சமூக வலைத்தளத்தில் உறுதிப்படுத்தி உள்ளார். அவர் கூறும்போது, “விஜய் படத்தில் நடிப்பது மகிழ்ச்சி அளிக்கிறது அனைவருடைய ஆசிர்வாதத்தால் இந்த படத்தில் நடிக்க எனக்கு வாய்ப்பு கிடைத்துள்ளது” என்றார்.

Leave a Reply

Your email address will not be published. Required fields are marked *