சென்னையில் சதமடித்தது பெட்ரோல் விலை..!

இன்றைய பெட்ரோல் விலை லிட்டருக்கு ரூ.100.13,ஆகவும், டீசல் விலை லிட்டருக்கு ரூ.93.72 -ஆகவும் நிர்ணயம் செய்யப்பட்டுள்ளது. இந்த விலை இன்று காலை 6 மணி முதல் அமலுக்கு வந்தது.

சென்னை, ஜூலை-2

சர்வதேச சந்தையில் கச்சா எண்ணெய் விலைக்கு ஏற்ப பெட்ரோல், டீசல் விலையை எண்ணெய் நிறுவனங்கள் மாற்றி அமைத்து வருகின்றன. பெட்ரோல், டீசல் விலை தாறுமாறாக உயர்ந்து வருகிறது. பெட்ரோல், டீசல் விலையில் தினசரி உயர்வால் சாமானியர்கள் பெரிதும் பாதிக்கப்பட்டுள்ளனர். இதனால் பெட்ரோல், டீசல் விலையை குறைக்க வேண்டும் என பொதுமக்கள் கோரிக்கை விடுத்து வருவதோடு அரசியல் கட்சிகளும் போராட்டங்களில் களமிறங்கியுள்ளன.

கச்சா எண்ணெய் விலை உயர உயர பெட்ரோல், டீசல் விலையும் நாளுக்கு நாள் உயர்ந்து கொண்டே செல்கிறது இந்நிலையில் சென்னையில் பெட்ரோல் விலை இன்று ரூ. 33 காசுகள் உயர்ந்து ஒரு லிட்டர் பெட்ரோல் ரூ.100.13 காசுகளுக்கு விற்பனையாகிறது.அதேபோல் டீசல் ஒரு லிட்டர் ரூ.93.72 காசுகளுக்கு விற்பனையாகிறது.

ஏற்கனவே தமிழகத்தின் பல்வேறு மாவட்டங்களில் பெட்ரோல் விலை சதமடித்த நிலையில் தற்போது சென்னையிலும் பெட்ரோல் விலை 100ஐ தாண்டியுள்ளது. குறிப்பாக தமிழகத்தில் மட்டும் சுமார் 30 மாவட்டங்களுக்கு மேலாக பெட்ரோல் விலை 100ஐ தாண்டி விற்பனையாகி வருகிறது. இருப்பினும் சென்னை வரலாற்றில் இது முதல் முறை என்பது குறிப்பிடத்தக்கது.

Leave a Reply

Your email address will not be published. Required fields are marked *