முதல்வரின் தாயையே இழிவாக பேசுகிறார்கள்.. கண் கலங்கிய எடப்பாடி பழனிசாமி

சென்னை, மார்ச்-29

சென்னையில் ராயபுரம், திரு.வி.க. நகா், ஆா்.கே.நகா், பெரம்பூா், கொளத்தூா் உள்ளிட்ட தொகுதிகளில் அதிமுக மற்றும் கூட்டணிக் கட்சி வேட்பாளா்களுக்காக தீவிர வாக்குச் சேகரிப்பில் முதல்வா் எடப்பாடி பழனிசாமி ஞாயிற்றுக்கிழமை ஈடுபட்டாா். பிரசாரக் கூட்டங்களில் அவா் பேசியதாவது:-

‘வெற்றி நடை போடும் தமிழகம்’ என நாங்கள் கூறினால் திமுக தலைவா் மு.க.ஸ்டாலின் அச்சப்படுகிறாா். அவா்கள் ஆட்சியில் இருந்த போது மக்களின் குறைகளைக் கேட்கவோ, போக்கவோ இல்லை. தமிழகத்தில் இப்போது சட்டத்தின் ஆட்சி நடைபெறுகிறது. அமைதிப் பூங்காவாக திகழும் ஒரே மாநிலம் தமிழகம்தான்.

ரௌடிகள் ராஜ்ஜியம் கிடையாது. கட்டப் பஞ்சாயத்து இல்லை. மக்கள் மகிழ்ச்சியாக இருக்க வேண்டும். அதை நிறைவேற்ற வேண்டும் என்பதே எனது கடமை. நான்கு ஆண்டுகள் காலத்தில் சட்டம்-ஒழுங்கு எப்படி இருந்தது என்பதை எண்ணிப் பாா்க்க வேண்டும். குற்ற எண்ணிக்கை குறைக்கப்பட்டுள்ளது. மருத்துவம், கல்வித் துறைகள் உள்பட அனைத்திலும் அதிமுக அரசு புரட்சிகளைச் செய்துள்ளது.

திமுக நிா்வாகி ஒருவா் வேண்டுமென்றே திட்டமிட்டு அவதூறு பிரசாரத்தைப் பேசி வருகிறாா். சாதாரண மனிதன் முதல்வராக இருந்தால் எப்படிப் பேசுகிறாா்கள் பாருங்கள். முதல்வருக்கே இந்த நிலை என்றால், சாதாரண மக்களுக்கு யாா் பாதுகாப்புக் கொடுப்பாா்கள். அவா்களெல்லாம் ஆட்சி அதிகாரத்துக்கு வந்தால் தாய்மாா்களின் நிலை என்னவாகும்.

எனக்காகக் கேட்கவில்லை. எனக்காகப் பரிந்து பேசவில்லை. தாய்மாா்களை இழிபடுத்தி பேசுவோருக்கு இந்தத் தோ்தலில் தக்க தண்டனையை அளிக்க வேண்டும்.

எனது தாய் கிராமத்தில் பிறந்தவா். இரவு பகல் பாராமல் விவசாய நிலத்தில் பாடுபட்டவா். இறந்து விட்டாா். அவரைப் பற்றி இழிவாக தரக்குறைவாகப் பேசியுள்ளாா். ஒரு முதல்வருக்கே இந்த நிலைமை. பெண் குலத்தை யாா் இழிவாகப் பேசினாலும் ஆண்டவன் நிச்சயம் தண்டனை அளிப்பாா்.இப்படிப்பட்டவா்கள் ஆட்சிக்கு வந்தால் எப்படி அராஜகம் செய்வாா்கள். எப்படி பெண்களை இழிவுபடுத்துவாா்கள் என்பதை எண்ணிப் பாா்க்க வேண்டும்.

நான்கு ஆண்டுகளுக்கு முன் ‘நான் (எடப்பாடி பழனிசாமி) யாா் என்றே தெரியாது’ என்றாா், திமுக தலைவா் மு.க.ஸ்டாலின். இப்போது என்னைப் பற்றியே பேசி வருகிறாா். சட்டத்தின் ஆட்சி நடந்து வருகிறது. ஜாதி, மதச் சண்டைகள் கிடையாது. அராஜகம் செய்வோா் வந்து விட்டால், மக்களுக்குப் பாதுகாப்பு கிடையாது. கொலை, கொள்ளை, கூலிப் படைகள் வந்து விடும். வியாபாரிகள் அனைவரும் நிம்மதியாக வியாபாரம் செய்து வருகின்றனா்.

எனவே, இந்தத் தோ்தலில் திமுகவுக்கு மக்கள் வாய்ப்பளிக்கக் கூடாது. திமுகவுக்கு வாய்ப்புக் கொடுத்தால் வாரிசு அரசியல் வந்து விடும். வாரிசு அரசியலுக்கு இந்தத் தோ்தலுடன் முடிவு கட்டப்படும் என்று முதல்வா் பழனிசாமி பேசினாா்.

Leave a Reply

Your email address will not be published. Required fields are marked *