தமிழகத்தில் 234 தொகுதிகளிலுமே பாஜகதான் போட்டியிடுகிறது.. கே.எஸ்.அழகிரி

சென்னை, மார்ச்-19

தமிழக சட்டப்பேரவைத் தேர்தலில் திமுக தலைமையிலான கூட்டணியில் காங்கிரஸ், இடதுசாரிகள், மதிமுக, விசிக உள்ளிட்ட கட்சிகள் கூட்டணி அமைத்துக் களம் காண்கின்றன. அதிமுக தலைமையிலான கூட்டணியில் பாஜக, பாமக ஆகிய கட்சிகள் போட்டியிடுகின்றன. அதிமுக கூட்டணியில் 20 தொகுதிகளில் பாஜக போட்டியிடுகிறது.

இந்நிலையில் சென்னையில் காங்கிரஸ் தலைமை அலுவலகமான சத்தியமூர்த்தி பவனில் அக்கட்சியின் மாநிலத் தலைவர் கே.எஸ்.அழகிரி இன்று செய்தியாளர்களைச் சந்தித்துப் பேசினார்.

அப்போது அவர் கூறியதாவது;-

”மதச்சார்பற்ற கூட்டணிக்கு மக்கள் வாக்களிப்பார்கள் என்றால் தமிழகத்தைத் தமிழகமே ஆளும், ஸ்டாலின் ஆள்வார். அதற்குக் கூட்டணிக் கட்சிகள் துணை நிற்கும். இல்லையெனில் தமிழகத்தை பாஜக ஆளும். அதிமுகவால் ஆள முடியாது. ஒரு சிலர் சொல்கின்றனர். தமிழகத் தேர்தலில் பாஜக 20 தொகுதிகளில் போட்டியிடுகிறது என்று. அது தவறு. 234 தொகுதிகளுமே பாஜகவின் தொகுதிகள்தான்”

என்று கே.எஸ்.அழகிரி தெரிவித்தார்.

Leave a Reply

Your email address will not be published. Required fields are marked *