தேமுதிக வேட்பாளர்கள் பட்டியல் வெளியீடு.. விருத்தாசலத்தில் பிரேமலதா விஜயகாந்த் போட்டி

அமமுக கூட்டணியில் 60 தொகுதிகளில் போட்டியிடும் தேமுதிக வேட்பாளர் பட்டியல் வெளியிடப்பட்டுள்ளது. சட்டப்பேரவைத் தேர்தலில் தேமுதிக பொருளாளர் பிரேமலதா விஜயகாந்த் விருத்தாசலம் தொகுதியில் போட்டியிடுகிறார்.

சென்னை, மார்ச்-14

அதிமுக தலைமையிலான கூட்டணியிலிருந்து வெளியேறிய தேமுதிக, அமமுக, மக்கள் நீதி மய்யம் உள்ளிட்ட கட்சிகளுடன் கூட்டணிப் பேச்சுவார்த்தை நடத்தியது. தனித்துப் போட்டியிடுவது குறித்தும் தேமுதிக ஆலோசனை நடத்தி வந்தது.
இதனிடையே, அமமுகவுடன் தொகுதிப் பங்கீட்டில் உடன்பாடு ஏற்பட்டதையடுத்து, 60 தொகுதிகளில் தேமுதிக போட்டியிட உள்ளது. தற்போது தேமுதிகவின் வேட்பாளர் பட்டியல் வெளியிடப்பட்டுள்ளது. அதில், தேமுதிக பொருளாளர் பிரேமலதா விஜயகாந்த் விருத்தாசலம் தொகுதியில் போட்டியிடுகிறார். அதேசமயம் தேமுதிக தலைவர் விஜயகாந்த், துணை செயலர் சுதீஷ், விஜய பிரபாகரன் ஆகியோர் இந்த தேர்தலில் போட்டியிடவில்லை.

2011-ல் அதிமுக கூட்டணியில் வென்ற 29 இடங்களில் 12 இடங்களை தேமுதிகவுக்கு அமமுக ஒதுக்கியுள்ளது. இதன்படி விருதாச்சலம் தொகுதியில் தேமுதிக பொருளாளர் பிரேமலதா விஜயகாந்த் போட்டியிடுகிறார். தேமுதிக துணைச் செயலாளர் பார்த்த சாரதி விருகம்பாக்கம் தொகுதியில் போட்டியிடுகிறார்.

Leave a Reply

Your email address will not be published. Required fields are marked *