சீமான் திருவொற்றியூர் தொகுதியில் போட்டி.. 234 வேட்பாளர்களையும் ஒரே மேடையில் அறிமுகப்படுத்தி அசத்தல்..!

234 தொகுதிகளிலும் நாம் தமிழர் கட்சியின் சார்பாக போட்டியிடும் வேட்பாளர்களை ஒரே மேடையில் அமரவைத்து அக்கட்சியின் தலைமை ஒருங்கிணைப்பாளர் சீமான் அறிமுகப்படுத்தியுள்ளார்.
பெண்களுக்கு சம உரிமை அளிக்கவேண்டும் என்பதை கருத்தில்கொண்டு 50% பெண்களும், 50% ஆண்களும் வேட்பாளர்களாக அறிவிக்கப்பட்டுள்ளனர்.

சென்னை, மார்ச்-8

தமிழக சட்டமன்ற தேர்தல் ஏப்ரல் 6ம் தேதி நடக்கிறது. அதற்காக அதிமுக, திமுக ஆகிய தமிழகத்தின் இருதுருவங்களும் கூட்டணி அமைத்து கூட்டணி கட்சிகளுக்கு தொகுதிகளை ஒதுக்கி கொண்டிருக்கும் நிலையில், கடந்த தேர்தலை போலவே இந்த முறையும் 234 தொகுதிகளிலும் நாம் தமிழர் தனித்து போட்டியிடுகிறது என்பதை ஏற்கனவே அக்கட்சியின் தலைமை ஒருங்கிணைப்பாளர் சீமான் உறுதிப்படுத்திவிட்டார்.

இந்நிலையில், சென்னை ராயப்பேட்டை ஒய்.எம்.சி.ஏ மைதானத்தில் இன்று நடந்த வேட்பாளர் அறிமுக கூட்டத்தில், ஒரே மேடையில் 234 தொகுதிகளின் வேட்பாளர்களையும் அறிமுகம் செய்தார் சீமான்.

பெண்களுக்கு சம அளவிலான ஒதுக்கீடு வழங்கி, 117 தொகுதிகளில் பெண் வேட்பாளர்களை களமிறக்கப்பட்டுள்ளனர். சீமான் திருவொற்றியூர் தொகுதியில் போட்டியிடுகிறார்.

Leave a Reply

Your email address will not be published. Required fields are marked *