அனைத்து அரசு அலுவலகங்களிலும் பிஎஸ்என்எல் சேவை கட்டாயம்.. மத்திய அரசு அதிரடி உத்தரவு

நாடு முழுவதும் அரசு அலுவலகங்கள் மற்றும் பொதுத்துறை நிறுவனங்களில் பிஎஸ்என்எல் மற்றும் எம்டிஎன்எல் ஆகிய பொதுத்துறை தொலைத்தொடர்பு நிறுவனத்தின் சேவையை பயன்படுத்துவது கட்டாயம் என்று மத்திய அரசு உத்தரவிட்டுள்ளது.

டெல்லி, அக்-14

இது தொடர்பாக கடந்த 12-ம் தேதி அனைத்து அமைச்சகங்கள், செயலாளர்கள், பொதுத்துறை நிறுவனங்களுக்கு சுற்றறிக்கை அனுப்பியுள்ளது மத்திய அரசு. மத்திய நிதியமைச்சகத்துடன் நடத்திய ஆலோசனைக்குப்பின் இந்த முடிவு எடுக்கப்பட்டதாகக் கூறப்படுகிறது.

இதுகுறித்து மத்திய தொலைத்தொடர்பு அமைச்சகம் வெளியிட்ட உத்தரவில், “ அனைத்து அமைச்சகங்கள், துறைஅலுவலகங்கள், பொதுத்துறை நிறுவனங்கள், மத்திய அரசின் சுயாட்சி அமைப்புகள் அனைத்தும் இனிமேல் பிஎஸ்என்எல், எம்டிஎன்எல் சேவையை கண்டிப்பாகப் பயன்படுத்த வேண்டும்.தொலைத்தொடர்பு இணைப்புகள், இன்டர்நெட் பயன்பாடு, பிராண்ட்பேட் இணைப்பு, லேண்ட்லைன் அனைத்துக்கும் பிஎஸ்என்எல், எம்டிஎன்எல் சேவைதான் பயன்படுத்த அதிகாரிகள் தங்களின் கீழ் உள்ள நிர்வாக அமைப்புகளுக்கு கூறி செயல்படுத்த வேண்டும்” எனத் தெரிவிக்கப்பட்டுள்ளது.

கடந்த 2019-20ம் ஆண்டில் பிஎஸ்என்எல் நிர்வாகம் ரூ.15,500 கோடியும், எம்எடிஎன்எல் ரூ.3,694 கோடியும் இழப்பைச் சந்தித்த நிலையில், மத்திய அரசின் இந்த உத்தரவு இரு நிறுவனங்களுக்கும் பெரும் நிம்மதியை அளிக்கும் வகையில் அமைந்துள்ளது.

Leave a Reply

Your email address will not be published. Required fields are marked *