புதுசாக மாற்றப்பட்ட அண்ணா சுரங்கப்பாதை..!

சென்னை அண்ணா சாலையில் அரசினர் தோட்டம் சுரங்கப்பாதை மெட்ரோ ரயில் நிலையத்துக்கு அருகில் உள்ள பழைய அண்ணா சுரங்கப்பாதை நவீன வசதிகளுடன் பொதுமக்கள் பயன்பாட்டுக்கு திறக்கப்பட்டுள்ளது.

சென்னை, செப்-16

சென்னையின் மிகப்பெரிய சுரங்கப்பாதையில் ஒன்றான பழைய அண்ணா சுரங்கப்பாதை அண்ணா சாலையில் அமைந்துள்ளது.
அந்த சுரங்கப்பாதை புதுப்பிக்கப்பட்டு, அரசினர் தோட்டம் மெட்ரோ ரயில் நிலைய பொதுத் தளத்துக்கு சுரங்கப்பாதை நேரடியாக இணைக்கப்பட்டுள்ளது. வாலாஜா சாலை, எல்லிஸ் சாலை, பிளாக்கர்ஸ் சாலை மற்றும் அண்ணா சாலை ஆகிய இடங்களிலிருந்து பொதுமக்கள் மற்றும் மெட்ரோ பயணிகள் இந்த சுரங்கப்பாதையை பயன்படுத்தி மெட்ரோ ரயிலில் பயணிக்கலாம், சாலையை எளிதில் கடக்கலாம். காதிபவன் மற்றும் ஓமந்தூரார் அரசினர் தோட்டத்திலுள்ள தமிழ்நாடு அரசு பன்னோக்கு உயர் சிறப்பு மருத்துவமனை ஆகியவற்றையும் இந்த அண்ணா சுரங்கப்பாதை இணைக்கிறது. புதுப்பொலிவுடன் அண்ணா சுரங்கப்பாதை சீரமைக்கப்பட்டதற்கு பொதுமக்கள் வரவேற்பு அளித்துள்ளனர்.

Leave a Reply

Your email address will not be published. Required fields are marked *