இந்தியாவில் கொரோனா பாதித்தோர் எண்ணிக்கை 47.54 லட்சத்தை தாண்டியது; இதுவரை 78,586 பேர் பலி.!

இந்தியாவில் கொரோனாவால் பாதிக்கப்பட்டோரின் மொத்த எண்ணிக்கை 47 லட்சத்தை கடந்துள்ள நிலையில், உயிரிழந்தோர் எண்ணிக்கை 78,586 ஆக உயர்ந்துள்ளது.

டெல்லி, செப்-13

மத்திய சுகாதாரத்துறை இன்று காலை வெளியிட்ட தகவலின்படி இந்தியாவில் கொரோனாவால் பாதிக்கப்பட்டவர்களின் எண்ணிக்கை 47 லட்சத்தை கடந்துள்ளது. மொத்த கொரோனா பாதிப்பு 47,54,357 ஆக உயர்ந்துள்ளது. கடந்த 24 மணி நேரத்தில் 94,372 பேருக்கு கொரோனா தொற்று உறுதி செய்யப்பட்டுள்ளது. 1,114 பேர் மரணம் அடைந்துள்ளனர். இதன்மூலம் கொரோனா வைரசால் உயிரிழந்தோர் எண்ணிக்கை 78,586 ஆக உயர்ந்துள்ளது.

கொரோனா பாதிப்பில் இருந்து குணமடைந்தவர்களின் எண்ணிக்கை 36,24,197ல் இருந்து 37,02,596 ஆக உயர்ந்துள்ளது. நேற்று மட்டும் 78399 பேர் குணமடைந்துள்ளனர். நாடு முழுவதிலும் உள்ள பல்வேறு மருத்துவமனைகளில் 9,73,175 பேர் சிகிச்சை பெற்றுவருகின்றனர். உயிரிழப்பு 1.65 சதவீதமாகவும், குணமடைந்தோர் விகிதம் 77.88 சதவீதமாகவும் உள்ளது.

Leave a Reply

Your email address will not be published. Required fields are marked *