சிங்கப்பூர் மீண்டும் ஆட்சியை கைப்பற்றிய ஆளும் கட்சி

சிங்கப்பூரில் நடைபெற்ற பொதுத் தேர்தலில் பிரதமர் லீயின் ஆளும் கட்சியான மக்கள் செயல் கட்சியே மீண்டும் ஆட்சியைக் கைப்பற்றியுள்ளது.

சிங்கப்பூர், ஜூலை-11

சிங்கப்பூரில் பிரதமர் லீ செய்ன் லூங் தலைமையிலான பீப்பிள் ஆக் ஷன் கட்சியின் ஆட்சி நடக்கிறது. இவரது ஆட்சிக் காலம் முடிய இன்னும் 10 மாதங்கள் இருக்கும் நிலையில் பிரதமர் லீ முன்னதாகவே தேர்தலை அறிவித்தார்.

சிங்கப்பூரில் கொரோனா நோய்த்தொற்றுப் பரவலுக்கு இடையே வெள்ளிக்கிழமை (ஜூலை 10) பொதுத் தோ்தல் நடைபெற்றது. பொதுத் தேர்தலில் பதிவான வாக்குகள் நள்ளிரவு முதல் எண்ணத் தொடங்கி தற்போது தேர்தல் முடிவுகள் வெளியாகியுள்ளது. சிங்கப்பூரில் மொத்தமுள்ள 93 நாடாளுமன்ற தொகுதிகளில் 83 இடங்களை பீப்பிள் ஆக் ஷன் கட்சி வென்றுள்ளது. ஆனால், 61.2% வாக்குகளை மட்டுமே இந்தக் கட்சி பெற்றுள்ளது. ஆனால், 2015ஆம் ஆண்டு நடைபெற்ற பொதுத் தேர்தலில் சுமார் 69% வாக்குகளை இந்தக் கட்சி பெற்றிருந்தது குறிப்பிடத்தக்கது.

எதிர்க்கட்சியான தொழிலாளர் கட்சி 10 தொகுதிகளில் பெற்று பெற்று சுமார் 40% வாக்குகளைப் பெற்றுள்ளது.

1965-ஆம் ஆண்டு முதல் சிங்கப்பூரில் நடைபெற்ற அனைத்துப் பொதுத் தேர்தலிலும் பீப்பிள் ஆக் ஷன் கட்சியே தொடர்ந்து வெற்றி பெற்று ஆட்சி புரிந்து வருகிறது. கொரோனா நோய்த்தொற்றுக்கு எதிராக பிரதமா் சியென் லூங் எடுத்து வரும் நடவடிக்கைகளுக்கு பொதுமக்களிடையே எவ்வளவு ஆதரவு உள்ளது என்பதை இந்தத் தோ்தல் முடிவுகள் வெளிப்படுத்தும் என்று கூறப்பட்டு வந்த நிலையில் தற்போது மீண்டும் லீ சியென் லூங் கட்சி வெற்றி பெற்று ஆட்சியைப் பிடித்துள்ளது.

மொத்தம் உள்ள 93 இடங்களில் 83 இடங்களைக் கைப்பற்றி ஆளும கட்சி மீண்டும் ஆட்சியை அமைக்கவுள்ளது.

Leave a Reply

Your email address will not be published. Required fields are marked *