ராகுல்காந்தி-கேரள முதல்வர் சந்திப்பு

புதுடெல்லி, அக்டோபர்-01

டெல்லியில் கேரள முதலமைச்சர் பினராயி விஜயனை வயநாடு தொகுதி எம்.பி. ராகுல் காந்தி சந்தித்து பேசினார்.

கேரளாவில் கடந்த சில நாட்களுக்கு முன்னர் பெய்த பலத்த மழையால் கோட்டயம், திருவனந்தபுரம், எர்ணாகுளம் உள்ளிட்ட பல்வேறு பகுதிகள் கடும் பாதிப்புக்குள்ளாகின. இதில் ராகுல்காந்தி எம்.பி. யாக உள்ள வயநாடு தொகுதியும் பாதிப்பை சந்தித்தது. வெள்ளத்தால் பாதிக்கப்பட்ட பகுதிகளுக்கு ராகுல்காந்தி  சென்று பார்வையிட்டு மக்களுக்கு ஆறுதல் கூறினார்.

இந்நிலையில் டெல்லியில் கேரள முதல்-மந்திரி பினராயி விஜயனை வயநாடு தொகுதி எம்.பி. ராகுல் காந்தி சந்தித்து பேசினார். கேரளாவில் ஏற்பட்ட வெள்ள பாதிப்பு சீரமைப்பு, நிவாரணம் உள்ளிட்டவை குறித்து பினராயி விஜயனுடன் ராகுல் காந்தி ஆலோசித்ததாக தகவல்கள் தெரிவிக்கின்றன.  தனது தொகுதியில் வெள்ள நிவாரண பணியை துரிதப்படுத்துமாறு ராகுல் காந்தி கேட்டு கொண்டதாக கூறப்படுகிறது.

Leave a Reply

Your email address will not be published. Required fields are marked *