கொரோனா தடுப்பு பணிகளுக்காக ரூ.1500 கோடி நிதி – ரத்தன் டாடா

கொரோனா வைரஸ் தடுப்பு பணிகளுக்காக 1,500 கோடி ரூபாய் நிதியுதவி வழங்கப்படும் என டாடா குழுமத்தின் தலைவர் ரத்தன் டாடா அறிவித்துள்ளார்.

டெல்லி, மார்ச்-28

இதுதொடர்பாக, ரத்தன் டாடா வெளியிட்டுள்ள டுவிட்டர் செய்தியில், டாடா அறக்கட்டளைகள் மற்றும் டாடா குழுமம் கடந்த காலங்களில் நாட்டின் பல்வேறு தேவைகளுக்காக உதவ முன்னின்றுள்ளது. கடந்த காலத்தை விட தற்போதுள்ள நிலை மிக முக்கியமானது. கொரோனா வைரஸ் என்பது மனித இனமாக நாம் எதிர்கொள்ளும் கடினமான சவால்களில் ஒன்றாகும். கொரோனா தடுப்பு பணிகளுக்காக டாடா அறக்கட்டளை சார்பில் 500 கோடி ரூபாய் மற்றும் டாடா சன்ஸ் குழுமத்தின் சார்பில் 1000 கோடி ரூபாய் நிதியுதவி வழங்கப்படும் என பதிவிட்டுள்ளார்.

Leave a Reply

Your email address will not be published. Required fields are marked *