சரியான திசையின் முதல் படி – மத்திய அரசுக்கு ராகுல் காந்தி பாராட்டு

கொரோனா பாதிப்புக்காக மத்திய அரசு அறிவித்துள்ள நிவாரணத்திட்டங்களுக்கு ராகுல்காந்தி பாராட்டு தெரிவித்துள்ளார். சரியான திசையில் எடுக்கப்பட்ட முதல் நடவடிக்கை என்று அவர் ட்விட்டரில் பதிவு செய்துள்ளார்.

டெல்லி, மார்ச்-26

கொரோனா வைரசை கட்டுப்படுத்தும் வகையில் நாடு முழுவதும் 21 நாட்கள் ஊரடங்கு உத்தரவு பிறப்பிக்கப்பட்டுள்ளது. இதற்கிடையே, ஊரடங்கு உத்தரவால் நேரடியாக பாதிக்கப்பட்டவர்களுக்கு மத்திய அரசு தேவையான உதவிகளை செய்யும் எனவும், கூலித் தொழிலாளர்கள் உள்ளிட்டோருக்கு மத்திய அரசு சார்பில் சுமார் 1.70 லட்சம் கோடி ரூபாய் அளவிற்கு உதவிகள் வழங்கப்படும் எனவும் நிதி மந்திரி நிர்மலா சீதாராமன் அறிவித்துள்ளார்.

இந்நிலையில், காங்கிரஸ் எம்.பியும், முன்னாள் தலைவருமான ராகுல் காந்தி, மக்களுக்கு தேவையான நிதி உதவி அறிவித்திருப்பதன் மூலம் மத்திய அரசு சரியான திசையில் சென்று கொண்டிருப்பதாக பாராட்டு தெரிவித்துள்ளார்.

இதுதொடர்பாக அவர் வெளியிட்டுள்ள டுவிட்டர் செய்தியில், நிதி உதவி தொகுப்பு பற்றிய மத்திய அரசின் அறிவிப்பு, சரியான திசையின் முதல் படியாகும். இந்தியா தனது விவசாயிகள், தினசரி ஊதியம் பெறுபவர்கள், தொழிலாளர்கள், பெண்கள் மற்றும் முதியவர்களுக்கு கடன்பட்டிருக்கிறது என பதிவிட்டுள்ளார்

Leave a Reply

Your email address will not be published. Required fields are marked *